АҚШ президенти Доналд Трампнинг жамоатчилик орасидаги маъқулланиш даражаси сезиларли даражада пасайди. Мустақил SSRS компанияси томонидан CNN учун ўтказилган сўров натижасига кўра, америкаликларнинг атиги 37 фоизи Трампнинг фаолиятини қўллаб-қувватламоқда, 63 фоиз фуқаро эса ундан норози эканини билдирган.
Бу кўрсаткич илгари 42 фоиз атрофида бўлган, сўнгги ойларда эса президент рейтинги барқарор равишда пастлаётгани қайд этилмоқда.
Мутахассислар фикрича, Трампга бўлган ишонч айниқса ёшлар, кексалар ҳамда кам таъминланган аҳоли қатламлари орасида кескин камайган. Бу ҳолат президентнинг жамоатчиликдаги мавқеини анча заифлаштирган.
Айни пайтда Трампнинг 34 фоиз атрофидаги маъқулланиш даражаси 2021 йил 6 январда Капитолийга қилинган ҳужум давридаги ҳолатни эслатмоқда — бу унинг сиёсий фаолиятидаги энг паст кўрсаткичлардан бири ҳисобланади.
Сўнгги ойлар динамикаси ҳам шундай тенденцияни кўрсатмоқда: апрель ойида Трампни маъқуллаганлар 41 фоиз бўлган бўлса, мартда — 45 фоиз, февралнинг ўрталарида эса 47 фоизни ташкил этган.
Экспертлар фикрича, сўнгги рейтинг пасайиши Трамп сиёсати ва жамоатчилик кутган натижалар ўртасидаги зиддиятлар билан изоҳланади.
“Zamin”ни Telegram'да ўқинг!
