Қирғизистон бўйлаб таълим муассасалари энергия тежаш режимига ўтказилмоқда, деб хабар берди мамлакат Таълим вазирлиги.
Вазирликка кўра, барча ўқув дарслари якунлангач, 60 дақиқадан кечиктирмай электр энергияси ўчирилиши керак. Бу чора синф хоналарини тозалашни осонлаштириш ва энергия сарфини камайтиришга қаратилган.
Шу билан бирга, бу чеклов бинонинг ишлаши ва хавфсизлигини таъминлайдиган коммунал тизимлар ҳамда ускуналарга татбиқ этилмайди. Шунингдек, ўқувчилар учун ётоқхона билан таъминловчи муассасаларда ҳам бу талаб амал қилмайди.
Аввалроқ хабар берилганидек, энергия тежаш мақсадида Қирғизистоннинг маъмурий биноларида соат 18:00 дан 06:00 гача ички ва ташқи ёритиш, шунингдек, электр жиҳозларидан фойдаланиш чекланган.
Мутахассислар бу қарорни мамлакатда энергия ресурсларини барқарор тақсимлаш ва қиш мавсумида тизимга тушадиган юкни камайтириш чораси сифатида баҳоламоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
