Россияда мамлакат тарихида илк бор ҳайдовчисиз трамвай мунтазам қатновни бошлади. Инновацион лойиҳа доирасида янги транспорт воситаси 10-сонли йўналиш бўйича йўловчиларга хизмат кўрсатмоқда.
Трамвай ишга тушганидан буён 40 мингга яқин йўловчини ташишга улгурган. Энг эътиборли жиҳати шундаки, автоматлаштирилган тизим бирор марта ҳам йўл ҳаракати қоидаларини бузмаган.
Мутахассисларнинг айтишича, бу лойиҳа Россияда шаҳар транспортини рақамлаштириш ва хавфсиз, экологик тоза технологияларни татбиқ этиш борасида янги босқични бошлаб берди.
Ҳайдовчисиз трамвай йўналиш бўйича тўлиқ сунъий интеллект тизими орқали бошқарилади. У нафақат йўл белгилари ва светофор сигналларини автоматик аниқлайди, балки тўсатдан пайдо бўлган тўсиқларга ҳам тезкор жавоб қайтаради.
Трамвай лойиҳасининг муваффақияти Россияда бошқа йирик шаҳарлар учун ҳам pilot model сифатида баҳоланмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
