Индонезиянинг Суматра оролида рўй берган кучли ёмғирлар оқибатида юзага келган сув тошқинлари ва кўчкилар фожиали оқибатларга сабаб бўлди. Reuters агентлиги хабарига кўра, табиий офат 174 кишининг ҳаётига зомин бўлган.
Индонезия табиий офатларни бошқариш агентлиги маълумотларига кўра, юзлаб фуқаролар бедарак йўқолган. Jakarta Post газетаси эса 100 нафарга яқин инсон ҳозиргача топилмаганини билдирган.
Табиий офат оқибатида айрим ҳудудларда электр энергияси ва алоқа воситалари ишдан чиққан.
Сўнгги кунларда ёмғирли об-ҳаво нафақат Индонезияни, балки бутун Жануби-Шарқий Осиёни қамраб олди. Tribun News маълумотларига кўра:
- Таиландда 145 киши ҳалок бўлган, энг кўп қурбонлар Сонкхҳлар провинциясида қайд этилган.
- Шри-Ланкада эса 56 киши ҳалок бўлган, 21 киши бедарак йўқолган.
- Малайзияда сув сатҳи 60–100 см гача кўтарилган ва 21 мингдан ортиқ аҳоли эвакуация қилинган.
Маҳаллий ҳукуматлар ва халқаро ёрдам ташкилотлари табиий офатдан жабр кўрган аҳолига ёрдам кўрсатиш ва йўқолганларни қидириш ишларини давом эттирмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
