Ҳиндистоннинг Гоа штатида жойлашган тунги клубда ёнғин чиқиб, камида 23 киши ҳалок бўлгани маълум қилинди. Бу ҳақда The Indian Express нашри хабар берди.
Полиция дастлабки маълумотларга кўра, ёнғин газ баллонининг портлаши оқибатида юзага келган бўлиши мумкин. Портлашдан сўнг олов қисқа вақт ичида бутун бинога тарқалган ва ходимлар ҳамда меҳмонлар эвакуация қилинишига тўсқинлик қилган.
Қутқарув хизматлари воқеа жойига зудлик билан етиб бориб, ёнғинни бартараф этиш ва бинодан одамларни чиқариш ишларини олиб борди. Аксарият жасадлар клуб ошхона қисмидан топилган — бу ҳалок бўлганларнинг кўпчилиги клуб ходимлари бўлганини кўрсатади.
Шунингдек, зинапоялардан ҳам икки жасад топилган. Расмийлар ёнғин сабаблари бўйича тўлиқ тергов бошлаганини билдирди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
