Жума куни, "хориждаги операция зонасида" ҳарбий топшириқни бажариб, Шимолий Корея сапёрлар бўлинмаси Корея Халқ Демократик Республикаси (КХДР)га қайтди. Бу ҳақда Корея Марказий телеграпҳ агентлиги хабар берди.
Пхенянда ҳарбийларни мамлакат етакчиси Ким Чен Ин шахсан кутиб олди. Унинг сўзларига кўра, сапёрлар Россиянинг Курск вилоятида ўз вазифаларини бажаришган.
"Бизнинг ҳарбийларимиз ажойиб ишни амалга оширди. Улар фақат уч ой ичида, баъзан йиллар давомида қийин бўлган ҳудудни хавфсиз жойга айлантирдилар", — деди Ким Чен Ин.
Шимолий Корея етакчисининг сўзларига кўра, сапёрлар бўлинмаси Россияда 120 кун фаолият юритган ва улардан тўққиз нафари ҳалок бўлган.
Одатда КХДР расмийлари Шимолий Корея ҳарбийларининг Россиянинг Украина билан олиб бораётган урушидаги иштироки ҳақида аниқ гапирмайди, бу мавзу фақат "хориждаги операция" ибораси билан чекланади. КХДР шу йилнинг апрели ойида Россиянинг Украина билан урушида ҳарбийларининг иштирокини тасдиқлаган эди.
Жанубий Корея разведкаси маълумотларига кўра, Пхенян Россияга тахминан 15 минг аскар жўнатган, улардан тахминан 6 минг нафари ҳалок бўлган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
