Бразилияда содир бўлган ҳайратланарли ҳодиса маҳаллий ва халқаро жамоатчилик эътиборини тортди — кучли шамол таъсирида Озодлик ҳайкалининг нусхаси йиқилиб тушди. Бу ҳақда C1 портали батафсил маълумот берди.
Маълумотларга кўра, воқеа 15 декабрь куни Гуаиба муниципалитетидаги Ҳаван савдо маркази олдида рўй берган. 2020 йилда дўкон очилганидан буён шу ерда туриб келган катта ҳайкал барча зарур техник сертификатлар ва мустаҳкамлик ҳужжатларига эга бўлгани таъкидланади.
Огоҳлантиришларга мувофиқ, ўша куннинг ўзида ҳудудда шамол тезлиги соатига 90 километрдан ошиб кетиши мумкинлиги айтилган эди. Умумий баландлиги пойдевори билан бирга 35 метрга етадиган иншоотнинг 24 метрлик қисми кучли шамол зарбасига дош бера олмай ағдарилган. Энг муҳими, ҳодиса оқибатида ҳеч ким жабрланмаган. Хавфсизликни таъминлаш мақсадида ҳудуд махсус тўсиқлар билан ўраб олинди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
