Туркияда Янги йил олдидан ҳужумлар режасига чек қўйилди
Туркияда хавфсизлик кучлари Янги йил байрамлари кунлари ҳужумлар уюштиришни режалаштирганликда гумон қилинган 115 нафар шахсни қўлга олди. Истанбул бўйлаб 124 та манзилда ўтказилган текширувларда қурол, ўқ-дорилар ва ҳужумларни режалаштиришга оид ҳужжатлар топилди. Гумонланувчиларнинг чет элдаги радикал гуруҳлар билан алоқада бўлгани, режалаштирилган ҳужумлар эса тинч аҳоли, жумладан, байрам тадбирларига қарши қаратилгани айтилмоқда.
Туркияда хавфсизлик кучлари Истанбул шаҳрида ўтказилган тадбирлар давомида 115 нафар шахсни қўлга олди. Улар Янги йил байрамлари кунлари ҳужумлар уюштиришни режалаштирганликда гумон қилинмоқда.
Расмийларга кўра, шаҳар бўйлаб 124 та манзилда текширувлар ўтказилган. Натижада қурол, ўқ-дорилар ва ҳужумларни режалаштиришга оид ҳужжатлар топилган. Ҳозирда яна бир неча гумонланувчини аниқлаш ишлари давом этмоқда.
Текширувлар жараёнида ушбу шахслар чет элдаги радикал гуруҳлар билан алоқада бўлгани маълум бўлган. Режалаштирилган ҳужумлар тинч аҳоли, жумладан, байрам тадбирларига қарши қаратилгани айтилмоқда.
Туркия расмийлари мамлакатда хавфсизликни таъминлаш доимий эътиборда эканини билдирди. Байрамлар даврида фуқаролар тинчлигини сақлаш учун барча зарур чоралар кўрилмоқда.
Изоҳлар 0
…