10 февраль куни Канадада содир бўлган мактабдаги қуролли ҳужум оқибатида 9 киши ҳаётдан кўз юмди, яна 27 киши турли даражада жароҳат олди. Фожиадан сўнг ҳуқуқни муҳофаза қилувчи органлар ҳодиса юзасидан тергов олиб борди.
Маҳаллий полиция берган маълумотга кўра, ҳужумни амалга оширган шахс 18 ёшли Жессе Ван Ротселаар бўлган. Расмийларга кўра, у бир неча йил аввал жинсини ўзгартирган. Шунингдек, унинг руҳий саломатлиги билан боғлиқ муаммолари бўлгани ва шу сабабли аввал ҳам уйига полиция чақирилгани қайд этилган.
Маълум қилинишича, Жессе тўрт йил олдин мактабни тарк этган. Дастлабки маълумотларга кўра, у ҳодисадан олдин ўз уйида онаси ва укасининг ҳаётига зомин бўлган.
Мактабдаги ҳужумдан сўнг эса у ўз жонига қасд қилган. Ҳозирда тергов органлари ҳодисанинг барча сабаб ва омилларини аниқлаш устида ишламоқда. Мутасаддилар жабрланганларга ёрдам кўрсатиш чоралари кўрилаётганини билдирган.
“Zamin”ни Telegram'да ўқинг!
