Тулузадаги Космик тиббиёт ва физиология институти келажакдаги космик миссияларни тайёрлаш учун кўнгиллиларни қидирмоқда. Тажриба иштирокчилари кетма-кет ўн кун ётиб, оч қолишлари керак бўлади, деб ёзади Ле Фигаро.
Олимлар соғлом турмуш тарзини олиб бораётган 20 ёшдан 40 ёшгача бўлган 10 нафар эркакни қидирмоқда. Тадқиқотчилар тажрибада иштирок этиш учун 5 минг евро тўлашга ваъда беришмоқда.
Кўнгиллилар ўн кун давомида ётган ҳолатда бўлишлари керак. Уларнинг каравоти бироз пастга эгилган бўлади, шунинг учун боши оёқлари даражасидан пастроқ бўлади. Мақсад - вазнсизлик эффектини такрорлаш. Ташрифлар тақиқланади, аммо иштирокчилар яқинлари билан телефон орқали алоқада бўлишлари мумкин бўлади.
Олимлар очликнинг таъсирини ҳам ўрганмоқчи. Бир кунда кўнгиллилар атиги 250 калория истеъмол қила олади. "Улар фақат бир қошиқ асал, шўрва ва мева шарбатини истеъмол қилишлари мумкин," - дейди космик клиника раҳбари доктор Ребекка Биет де Вилмер.
“Zamin”ни Telegram'да ўқинг!
