Россия нефтига қарши санкциялар юмшатилмоқда
АҚШ, иттифоқчи давлатлар вакиллари билан олиб борилган музокараларда, жаҳон бозорида нефть нархлари ошаётган бир пайтда Россия нефтига нисбатан санкцияларни юмшатишни давом эттириш ниятини тасдиқлади. Бу ҳақда “Bloomberg” агентлиги ўз манбаларига таяниб хабар берди.
Агентликка кўра, Вашингтон ўтган ҳафта ўз позициясини иттифоқчи давлатларга етказган. АҚШ томони бу чоралар вақтинчалик бўлишини ва Эронга қарши операциялар фонида жаҳон энергетика бозорини барқарорлаштиришга қаратилганини таъкидлади.
Шунингдек, АҚШ Молия вазирлиги аввал 12 мартгача кемаларга юкланган Россия нефти ва нефть маҳсулотлари савдосига нисбатан санкцияларни бекор қилган. Хорижий активларни назорат қилиш бошқармаси (ОФАC) эълон қилган бош лицензия эса бу операцияларни 11 апрелга қадар амалга оширишга рухсат беради.
Изоҳлар 0
…