Қозоғистон Марказий Осиёда илк бор сунъий ёмғир ёғдиришни бошлади

2 дақиқа ўқиш735
Қозоғистон Марказий Осиёда илк бор сунъий ёмғир ёғдиришни бошлади
ҚисқачаAI ёрдамида тайёрланганКўрсатиш
  • Қозоғистон Туркистон шаҳрида сунъий равишда ёғингарчилик чақириш технологиясини амалиётга татбиқ этган Марказий Осиёдаги биринчи мамлакатга айланди.
  • Ушбу лойиҳа Туркистон вилоятининг 911 минг гектардан ортиқ унумдор ва ҳайдаладиган майдонларини сув тақчиллиги ҳамда қаҳатчиликдан асрашга қаратилган бўлиб, БАА Миллий метеорология маркази билан ҳамкорликда амалга оширилмоқда.

Қўшни Қозоғистоннинг кўҳна ва навоийхон Туркистон шаҳрида минтақамиз учун мутлақо янги ва инқилобий бўлган экологик лойиҳага старт берилди. Маҳаллий оммавий ахборот воситаларининг хабар беришича, қардош давлат сунъий равишда ёғингарчилик чақириш технологиясини амалиётга татбиқ этган Марказий Осиёдаги биринчи мамлакатга айланди.

Юқори мартабали меҳмонлар иштирокидаги тақдимот

Ушбу тарихий тизимнинг ишга туширилиш маросими халқаро миқёсда юқори даражада ташкил этилди. Тадбирда Қозоғистон Бош вазири ўринбосари – Сунъий интеллект ва рақамли ривожланиш вазири Жаслан Мадиев, БМТ Бутунжаҳон метеорология ташкилоти раҳбари ҳамда БАА Миллий метеорология маркази бош директори Абдуллоҳ Аҳмад Ал-Мандус, шунингдек, Амирликларнинг Қозоғистондаги элчиси Муҳаммад Саид Муҳаммад Ал-Ариқий ва вилоят ҳокими Нуралхон Кушеров иштирок этди.

Миллион гектарга яқин ер об-ҳаво инжиқликларидан ҳимояланади

Янги лойиҳа Туркистон вилоятининг 911 минг гектардан ортиқ унумдор ва ҳайдаладиган майдонларини сув тақчиллиги ҳамда қаҳатчиликдан асрашга қаратилган. Мазкур замонавий тизим иқлимни сунъий ўзгартириш бўйича дунёда бой тажрибага эга бўлган Бирлашган Араб Амирликлари Миллий метеорология маркази билан яқин ҳамкорликда ҳаётга татбиқ этилмоқда.

«Қозоғистон иқлим барқарорлигини таъминлаш йўлида дадил қадам ташламоқда. Бундай улкан ташаббус минтақамизда биринчи бор кузатиляпти. Бу биз учун илм-фан, халқаро дўстлик ва рақамли ечимларга асосланган янги иқлим инфратузилмасининг дебочасидир», — дея таъкидлади Жаслан Мадиев.

Халқаро тажриба ва хавфсизлик

Жаҳон таҳлиллари шуни кўрсатадики, сунъий равишда булутларга таъсир кўрсатиш йўли билан ёмғир миқдорини 10 фоиздан 20 фоизгача ошириш мумкин. Айни пайтда бу усулдан АҚШ, Хитой, БАА, Франция ва Саудия Арабистони каби ривожланган давлатлар унумли фойдаланиб келмоқда.

Кўпчиликни хавфсизлик масаласи қизиқтириши табиий. Мутахассисларнинг тинчлантиришича, ушбу технология фақатгина маҳаллий хусусиятга эга бўлиб, таъсир доираси 5 километрдан ошмайди. У глобал об-ҳавога салбий таъсир ўтказмайди. Булутларга ишлов беришда халқаро миқёсда хавфсиз деб тан олинган оддий тузли реагентлардан фойдаланилади.

Даромад ва ҳосилдорлик ошади

Мазкур иновацион ечим қишлоқ хўжалиги экинларини ўз вақтида обиҳаёт билан таъминлашга, қурғоқчилик келтирадиган миллионлаб зарарларнинг олдини олишга хизмат қилади. Ҳисоб-китобларга кўра, лойиҳанинг йиллик соф иқтисодий самараси нақ 35 миллиард тенгени ташкил этиши кутилмоқда.

Сизнингча, Ўзбекистоннинг сув тақчил бўлган ҳудудларида ҳам мана шундай сунъий Ёмғир ёғдириш технологиясини жорий этиш вақти келдими?

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?