АҚШ ва Мексика чегараси остида бир тоннадан ортиқ наркотик чиқди

АҚШ ва Мексика чегараси остида гиёҳванд моддалар контрабандаси учун мўлжалланган туннель аниқланди. АҚШ Адлия вазирлиги маълумотига кўра, у Мексиканинг Тихуана шаҳри ва Сан-Диегодаги Buy 4 Less дўконини боғлаган.

Туннелнинг умумий узунлиги қарийб 600 метрни ташкил этган. У гидравлик лифт, электр ва шамоллатиш тизимлари билан жиҳозлангани маълум қилинди.

Операция давомида қиймати 45 миллион долларга баҳоланган 1029 килограмм кокаин, ўқ-дори ва ҳужжатлар мусодара қилинган.

Ҳолат юзасидан 4 киши ҳибсга олинган. Расмийларга кўра, мазкур йўналиш АҚШга наркотик моддаларни ноқонуний олиб кириш учун ишлатилган.