Гольф машинасидаги сайр фожиага айланди: 4 сайёҳ ЙТҲга учради
Таиландда дам олаётган тўрт нафар россиялик сайёҳ голф машинасида ҳаракатланаётган вақтда йўл-транспорт ҳодисасига учради. Транспорт воситасини бошқараётган аёл тезликни меъёридан ошириб юбориши натижасида унинг дугонаси йиқилиб тушиб, елка суягини синдириб олди. Шундан сўнг ҳайдовчи аёл ҳам ҳаракатланаётган машинадан сакраб тушди ва бошқарувсиз қолган транспорт воситаси дарахтга бориб урилиб, қолган икки нафар сайёҳ ҳам жароҳатланди.
Таиландда дам олаётган тўрт нафар россиялик сайёҳнинг ҳордиғи кутилмаган йўл-транспорт ҳодисаси билан якунланди. Маҳаллий ОАВ хабарига кўра, гольф машинасида сайр қилаётган гуруҳ аъзолари эҳтиётсизлик оқибатида турли даражадаги тан жароҳатлари олган.
Маълум қилинишича, гольф машинасини бошқараётган аёл тезликни меъёридан ошириб юборган. Бурилишлардан бирида унинг дугонаси мувозанатини йўқотиб, ҳаракатланаётган транспорт воситасидан йиқилиб тушган ва елка суягини синдириб олган.
Воқеани кўрган ҳайдовчи аёл ҳам машинани тўхтатишга улгурмай, дугонасига ёрдам бериш мақсадида ҳаракатланаётган гольф машинасидан сакраб тушган. Натижада бошқарувсиз қолган транспорт воситаси йўлдан чиқиб кетиб, дарахтга бориб урилган.
Тўқнашув оқибатида гольф машинасида қолган яна икки нафар сайёҳ ҳам тан жароҳати олган. Жароҳатланганларнинг барчасига тиббий ёрдам кўрсатилган.
Ҳодисадан сўнг сайёҳлар режалаштирилган таътилни муддатидан олдин якунлаб, даволаниш учун Россияга қайтишга мажбур бўлган. Мазкур ҳолат юзасидан тегишли идоралар томонидан суриштирув ишлари олиб борилмоқда.
Изоҳлар 0
…