Хитойда одам миниб юрадиган тўрт оёқли робот-от тармоқларда катта қизиқиш уйғотмоқда
Хитойнинг DaxAI стартапи одам миниб юриши мумкин бўлган тўрт оёқли Қижи Х1 роботини намойиш этди. Ташқи кўриниши моторли ва катталаштирилган робот-итни эслатадиган қурилма ижтимоий тармоқларда катта қизиқиш уйғотмоқда.
Қижи Х1 оддий кўнгилочар қурилма бўлиб қолмасдан, реал шароитларда транспорт воситаси сифатида фойдаланишга мўлжалланган.
Ишлаб чиқарувчиларга кўра, робот:
300 килограммгача юк кўтара олади;
соатига 9,6 километр тезликда ҳаракатланади;
бир марта қувватланганда 40 километргача йўл босади;
тик қиялик, лой ва шағалли йўлларда ҳаракатлана олади. Роботнинг намойиши акс этган видео ҳам интернетда тарқалди. Унда Қижи Х1нинг одам билан ҳаракатланиши ва турли шароитларда юриши намойиш этилган.
Ишлаб чиқарувчилар келажакда ундан нафақат транспорт, балки оғир юкларни ташиш ва қутқарув операцияларида ҳам фойдаланишни режалаштирмоқда. Робот-от интернет фойдаланувчиларининг турли фикрларига сабаб бўлди. Айримлар технологиянинг имкониятларини юқори баҳолаган бўлса, бошқалар янги қурилмани ҳазил билан муҳокама қилди.
Изоҳлар 0
…