АҚШнинг MSNBC телеканали жонли эфирида тираннозавр кийимида уч киши пайдо бўлгани Twitter фойдаланувчиларини завқлантирди.
Эфирнинг видеоси телеканалнинг твиттердаги расмий каналида жойлаштирилган. “Хэйли Жексон иштирокидаги жонли эфирга учта тираннозавр ёпирилиб кирган пайт”, деб изоҳ берилган видеога.
Видеода каналнинг Оқ уйдаги мухбири Хэйли Жексон мутахассис билан солиқ ислоҳотини муҳокама қилаётганини кўриш мумкин. Шу пайт мутахассиснинг ортида тираннозавр кийимида 3 киши пайдо бўлиб, бир-бирлари билан гўёки курашаётгандек бўлишади. Бу ҳолатга на мухбир, на мутахассис эътибор берган.
Твиттер фойдаланувчиларида бу ҳолат завқ уйғотган.
“Буни кўриб, кулгидан ўзимни тия олмаяпман”, деб ёзган Жина Ди.
“Тарихда янгиликлардаги энг яхши фон”, деб изоҳ берган роликка Томас Холбрук.
“Хэйли Жексон Юра даври боғидан жонли эфир олиб бормоқда”, деб ёзган яна бир фойдаланувчи.
Мухбирнинг ўзи эса ушбу ҳолатга кейинроқ “Яхшиям, тимсоҳлар эмас экан”, деб изоҳ берган.
Аниқланишича, ушбу “саҳна”ни 4 киши ҳазил тариқасида атайлаб уюштирган. Улардан 3 нафари динозавр кийимида бўлган, яна бир киши MSNBC каналини телефонда томоша қилиб, шерикларига кўрсатма бериб турган.
[media=https://youtu.be/Twf7gQp2iog] “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Яхши пишган ва мазали анор танлашга ёрдам берадиган тавсиялар
Эрдўғон Туркия Исроил билан алоқаларини узганини маълум қилди
Блинкен Исроилдан учта муаммони ҳал этишни талаб қилди
Рақобат қўмитаси биржада Аи-80 бензини бошланғич нархига чеклов ўрнатди
АҚШ Исроилнинг икки вазирига санкция қўлламоқчи
Ҳар қандай катта ёшдаги киши етук эмас
Боррел ЕИнинг Исроил билан мулоқотини тўхтатишни таклиф қилди
Кремль Украина бўйича музокарада шартлар қўйишга уринмоқда
