Во ажаб! Она ўз ўғлидан уни тарбия қилгани учун суд орқали салкам 1 миллион доллар олди

Тайван юқори суди маҳаллий тиш шифокорларидан бирини ўз онасига 800 минг доллар тўлашга мажбур қилди. Хабарда айтилишича, ушбу маблағ она томонидан уни тарбия қилиш давомидаги ҳаражатлар учун компенсация сифатида берилган.

Аниқланишича, йигит 20 ёшга тўлганда онаси у билан шартнома имзолаб, ўғли институтни битирганидан сўнг унга берилган тарбия ва онаси томонидан ўқиши учун тўланган пул эвазига унга ҳар ойлик даромадининг 60%ини беришга келишган. Айнан шундай шартнома аёлнинг иккинчи ўғли билан ҳам тузилган.

Аёл ўғиллари учун озмунча пул сарф этмаганлиги ва қариган пайтида уни парваришлаб, молиявий томондан таъминламасликларига ишончи комил эканлиги айтган.

Ишга жойлашган ўғиллар шартнома талабларини бажаришмаган, она эса ўз “ҳақи”ни талаб қилиш учун судга мурожаат этган.
Суд она фойдасига қарор чиқариб, унинг ўғилларидан айтилган маблағни ундириб берди. “Замин” янгиликларини “Инстаграм”да кузатиб боринг