Тўрт ёшли Карина Ёқутистондаги Олом қишлоғида онаси ва бувиси билан яшайди. Ўша куни у уйда бувиси билан қолган, Шарик лақабли ити билан ўйнаб юрганди. Буви ухлаб қолди, уйғонганида эса қизча уйда йўқ эди. Қизиғи, кампир бундан хавотирга тушмади. Қизнинг онаси ҳам, бувиси ҳам уни қўшни қишлоқда турадиган отаси олиб кетганлигига ишонишарди. Ота эса қизи бувисиникида эканлигидан кўнгли тўқ эди. Шу тарзда роппа-роса тўрт кун қизалоқни излаш фикри ҳеч кимнинг хаёлига келмади. Қўшни қишлоқдан отаси қизини кўргани келгандагина унинг йўқолганлиги маълум бўлди.
Кейин эса қизни қидириш бошланди. Қидирув ишларига юзлаб кишилар жалб этилди. Аммо ҳаммаси беҳуда кетди, ўт-ўланлар баланд, тунлари совуқ, бунинг устига атрофда бўри ва айиқлар изғиб юради. Бирдан Карина йўқолганининг тўққизинчи куни Шарик қишлоққа қайтди. Айнан у одамларни қизчанинг олдига бошлаб борди. Йигирма бир ёшли Артём Борисов Каринани ўтлар орасидан топди. Қизчани вертолётда касалхонага олиб кетишди.
– Карина жудаям жасур экан, – деди қутқарув хизмати психологи Екатерина Алексеева. – Биз ундан шунча кун давомида нима еб, нима ичганини сўраганимизда, у ўрмондаги меваларни териб еганини ва дарёдан сув ичганини айтди.
Каринани қишлоқдошлари «Ёқутистон мауглиси» деб аташмоқда.
Рус тилидан Д. АСҚАРОВ таржимаси.
Манба: mulohaza.uz “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Кальяри” Шомуродов бўйича бир қарорга келди
Саудия Арабистони билан яна қатор соҳаларда ҳамкорлик ўрнатилиши кутилмоқда
Турк сериаллари юлдузи Демет Ўздемирнинг Истанбулдаги шинам вилласига саёҳат
Қозоғистонда собиқ ички ишлар вазири қўлга олинди
Ҳарбий хизматдан қочган 30 дан ортиқ украиналик чегарани кесиб ўтишга уриниб, ҳалок бўлди
Кўп квартирали уйларда «квартплата»нинг энг кам миқдори тасдиқланди
Соф қуйма олтин сотаётган шахслар қўлга тушди
Навоийда ЙПХ ходимлари кўз олдидаги қоидабузарликка кўз юмди
