Ҳиндистонда маймун ёш болани ўғирлаб кетди​

Ҳиндистоннинг Орисса штатида маймун маҳаллий аёллардан бирининг уйига кириб, у ердан аёлнинг боласини олиб қочган. ВВС’нинг маълум қилишича, боланинг жасади қудуқда аниқланган.

Таъкидланишича, аёл боласини маймун ушлаб олганини кўргач, уни тўхтатмоқчи бўлган, бироқ бунинг уддасидан чиқа олмаган. Эртаси куни аёлнинг яқинларидан бири боланинг жасадини яқин орадаги қудуқда аниқлаган.

Шифокорлар боланинг танасида жиддий жароҳатлар кўришмаган ва бола чўккан деган хулосага келишган. Маҳаллий аҳоли маймун болани тасодифан қудуққа тушириб юборган, деб тахмин қилмоқда.

Ҳозирда полиция маймунни қидирмоқда.

Ҳуқуқ-тартибот идораларида маълум қилинишича, Ҳиндистонда ёш болаларнинг маймунлар томонидан ўғирланиши жуда камёб ҳодиса ҳисобланади. Маймунлар одамларга ҳужум қилиши ёки егулик топиш мақсадида уйларга кириши мумкин, бироқ болани ўғирлаши биринчи марта юз бермоқда. «Замин»ни Telegram’да ўқинг!