Британиялик аёл жонли эфирда бурнини “юлиб олди” (видео)

Англияда яшовчи, аутоиммун касаллигидан азият чекувчи Жейн Хардман тонгги This Time Next Year телешоусининг жонли эфирида хасталик оқибатида бурнидан ажралганлигини кўрсатди, деб хабар берди Даракчи нашри.

У гранулематоз туфайли бурнидан ажралганлигини, шифокорлар магнитли, косметик протез бурун ясаб берганликларини гапириб берди ва бурнини “юлиб олди” ва жойига ўрнатиб, буни томошабинларга намойиш қилди.

Аёл бундай протез бурунни тақиб юриш учун юз суягига магнит ўрнатиш операциясини бошдан кечирди.

Вегенер гранулематози жуда тез авж олувчи оғир хасталик бўлиб, майда ва ўрта қон томирларини, капиллярларни, артерияни, юқори нафас йўлларини, кўзни, буйракни, ўпкани ва бошқа тана аъзоларини ишдан чиқаради.
“Замин” янгиликларини “Инстаграм”да кузатиб боринг