21:27 / 26.06.2018
6 785

Россияда қирғизистонлик аёл тириклайин ёқиб юборилди

Россияда қирғизистонлик аёл тириклайин ёқиб юборилди
Фото: Sputnik
Россиянинг Ленинград вилоятида ёнғин оқибатида қирғизистонлик аёл ҳалок бўлди, деб ёзади Дарё.

Ёнғин 24 июнга ўтар кечаси Шлисселбург шаҳридаги савдо павильонларидан бирида юз берган. Воқеа жойидан 19 ёшли йигит касалхонага олиб кетилган. У шифокорларга маълум қилишича, павильонга одамлар бостириб кириб, уларга бензин сепиб, ўт қўйган, сўнг эшикларни беркитиб, қочиб кетган.

Қирғизистонлик Гулнора исмли аёл павильонда синов муддати билан ишлаган. У ярим кечаси ўзига қўнғироқ қилган иш берувчиси Кристина Прибитковага павильонда эканлигини, эри ичиб келиб, уни дўппослагани ва ҳамма ёқни вайрон қилганини айтган.

Аёл уйига кетган, аммо кейинроқ павильонни тартибга солиш учун эрининг укаси билан қайтиб келган. Шунда уларга осон аланга оладиган суюқлик сепиб, ёқиб юборишган.

Аёлнинг эри қўлга олинди, аммо у ёнғинга алоқадорлигини рад этмоқда.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Россияда қирғизистонлик аёл тириклайин ёқиб юборилди