Малайзиялик бойвачча смартфонлари портлаши натижасида ҳалок бўлди

Малайзиялик тадбиркор, «Cradle Fund» компанияси ижрочи директори 45 ёшли Назрин Хассан ўзининг «Blackberry» ҳамда «Huawei» смартфонларини ухлашга ётишдан олдин каравоти ёнига электр қувватига тўйинтириш учун қўйганди. Кечаси икки смартфоннинг бири портлаши оқибатида ҳалок бўлди. Айтишларича, смартфон портлаганда, тадбиркорнинг бош ва танасидаги яна кўплаб қисмларга жиддий шикаст етган. У ухлаётган каравотдаги кўрпа-тўшаклар ҳам куйиб кул бўлган.

Ҳозирги пайтда суд тиббий экспертиза ходимлари фожиа билан боғлиқ фактларни ўрганиб чиқмоқда. Маҳаллий прокуратура эса ушбу факт юзасидан жиноий иш қўзғатган.

Манба: Hordiq.uz