Уч ойлик фарзандини сотаётган она қўлга олинди

  • 06 июль 2018, 11:33
  • 1 749
  • Дунё
  • Уч ойлик фарзандини сотаётган она қўлга олинди
    Фото:«РИА Новости»
    Украинанинг Херсон вилоятида 3 ойлик ўғлини сотаётган она жиноят устида қўлга олинди. Бу ҳақда «РИА Новости»га таяниб "Хабар" нашри маълум қилмоқда.

    Полиция маълумотларига кўра, аёлнинг таниши мижоз топишда унга кўмаклашган.

    26 ёшли аёл болани ва унинг ҳужжатларини ҳуқуқ-тартибот идораларига топширган ва бундан сўнг боласида ҳеч қандай ҳуқуқи қолмагани тўғрисида тилхат ёзиб берган.

    Аёл бола эвазига 210 минг гривен (62 674 500 сўм) олаётган пайтда қўлга тушган.

    Бу аёл аввал ҳам судланган, айни пайтда эса ижтимоий ҳаётга мослашаётган бўлган. Унинг сўзларига кўра, уй сотиб олиш учун боласини сотган.

    Ушбу ҳолат юзасидан жиноят иши қўзғатилган. Украина қонунларига кўра аёл 15 йилгача озодликдан маҳрум қилиниши мумкин.

    » » Уч ойлик фарзандини сотаётган она қўлга олинди