16:44 / 20.09.2018
3 009

Трамп бўрондан жабр кўрган туманларда ҳот-дог тарқатди

Трамп бўрондан жабр кўрган туманларда ҳот-дог тарқатди
Америка Қўшма Штатлари президенти Дональд Трамп Флоренс бўронидан жабр кўрган туманларга ташриф буюрди, дея хабар бермоқда Кун нашри.

Маҳаллий аҳоли билан учрашувда Трамп ҳот-догларни тарқатди, одамлар билан қучоқлашиб кўришди ва қўллаб-қувватлов сўзларини билдирди.

«Америка сиз билан бирга мотам тутмоқда, бизнинг юракларимиз қайғуда. Яратганнинг ўзи сизларга куч-қувват берсин. Биз сизларнинг йўқотишларингизни ҳеч қачон унутмаймиз. Сизларни ҳеч қачон тарк этмаймиз», - деди Трамп Хавлокдаги денгиз базасида ташкил этилган брифингда.

Таъкидланишича, у Шимолий ва Жанубий Каролинага ҳам ташриф буюрди: черковга бориб, вайронагарчиликни ўз кўзи билан кўрди ҳамда маҳаллий ҳокимият органлари ишини фуқаролар билан муҳокама қилди.

Эслатиб ўтамиз, аввалроқ «Флоренс» пўртанаси қурбонлари сони 32 кишига етганди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)