Баландлиги уч қаватли уйга тенг ўтов "Гиннесс рекордлари" китобига киритилди

  • 8-11-2018, 06:09
  • 690
  • Дунё
  • Баландлиги уч қаватли уйга тенг ўтов "Гиннесс рекордлари" китобига киритилди
    Мўғулистоннинг “Сэлнэн” компанияси усталари томонидан бунёд этилган дунёдаги энг баланд ўтов "Гиннесс рекордлари" китобига киритилди.

    Қайд этилишича, ўтов Ханги-Мандал назорат-ўтказиш пунктига яқин манзилда ўрнатилган бўлиб, унинг баландлиги 14 метрни (уч қаватли уйнинг ўртача баландлиги) ташкил этади. Ўтов 1 минг квадрат метр майдонни эгаллаган бўлиб, бир вақтнинг ўзида 500 кишини сиғдириши мумкин.

    Хорижий сайёҳларни жалб этиш мақсадида бунёд этилган ўтов жуда улкан бўлса-да, анъанавий 4 та тиргагичга эга, холос.

    » » Баландлиги уч қаватли уйга тенг ўтов "Гиннесс рекордлари" китобига киритилди