23:10 / 21.02.2019
4 670

Нурсултон Назарбоев: "Ҳукумат истеъфога чиқиши керак"

Нурсултон Назарбоев: "Ҳукумат истеъфога чиқиши керак"
Фото: TengriNews
Қозоғистон президенти Нурсултон Назарбоев ҳукумат истеъфога чиқиши кераклигини маълум қилди. Бу ҳақда Оқ Ўрда сайтига таяниб, TengriNews хабар бермоқда.
«Бугун мамлакатимиз учун муҳим қарор қабул қилмоқдаман. Ўтган йилларда ижтимоий-иқтисодий вазият барқарор бўлди. Бу, албатта, ижобий ҳолат. Бироқ бу ҳозирги вақт учун етарли эмас.

Иқтисодиётнинг кўплаб йўналишлари бўйича бир қатор қонунлар қабул қилинганлигига қарамасдан, ижобий ўзгаришларга эришилмаган. ЯИМ ўсишига асосан хом ашё ресурслари ҳисобидан эришилмоқда. Маҳсулдор иш ўринлари, айниқса қишлоқ жойларда, етарлича яратилмаган.

Аҳолининг реал даромади ошмаяпти. Оилалар бюджетида озиқ-овқат маҳсулотлари учун харажатлар улуши ошиб бормоқда.
Бундай шароитларда, мен, Президент ва Конституция гарови сифатида, халқимиз манфаатларини ҳисобга олган ҳолда, қуйидаги қарорни қабул қиламан. Ҳукумат истеъфога чиқиши лозим деб ҳисоблайман.

Ҳукуматнинг янги раҳбарияти ҳаёт даражасини ошириш, иқтисодиётни рағбатлантириш, стратегик вазифаларни амалга ошириш учун амалий чораларни ишлаб чиқиши лозим», — дейилади давлат раҳбари баёнотида.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Нурсултон Назарбоев: "Ҳукумат истеъфога чиқиши керак"