09:26 / 22.02.2019
5 885

Москва вилоятида автобус Владимир Путиннинг қароргоҳига бориб урилди

Москва вилоятида автобус Владимир Путиннинг қароргоҳига бориб урилди
Фото: «MK.ru»
Москва вилоятидаги Барвиха посёлкасида рейс автобуси Владимир Путиннинг қароргоҳи — Майендорф қўрғонига «ҳужум қилди». Бу ҳақда Mk.ru нашрига таяниб «Daryo» хабар бермоқда.
Автобус ҳайдовчиси бошқарувни йўқотиб, катта тезликда ҳашаматли коттежнинг дарвозасига бориб урилган.

Авария 21 февраль куни 05:30 да Рублёво—Успенский шоссесида юз берган. Автобусни 23 ёшли чеченистонлик Идрис бошқарган. Унинг ҳайдовчилик стажи уч йил бўлиб, автобус салонида ҳеч ким бўлмаган.

Ҳайдовчининг ўзи йўл полициячиларига маълум қилишича, автобуснинг тормози ишламай қолган. У бошқарувни йўқотиб, автобусни қароргоҳ дарвозаларига йўналтириб, тўхтатишга қарор қилган. Идриснинг сўзларини эшитган ҳарбийлаштирилган қўриқлов хизмати унга нисбатан ҳеч қандай эътироз билдирмаган. Ҳодиса оқибатида бино фасадининг ташқи безаги, дарвоза ва автобуснинг олд ойнасига зарар етган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Москва вилоятида автобус Владимир Путиннинг қароргоҳига бориб урилди