Ҳиндистонда дунёдаги биринчи шишали масжид қурилди

^{Фото: «Muslim.uz»}
Ҳиндистоннинг Мегхалая штати Шиллонг шаҳрида дунёдаги биринчи шишали масжид пайдо бўлди, деб хабар бермоқда Ўзбекистон мусулмонлар идораси Матбуот хизмати.

«Ушбу масжид барча динларнинг бирлиги рамзи ҳисобланади», — дейди Ҳиндистон миллий озчилик ишлари бўйича Иттифоқ давлат вазири Винсент Ҳ. Пала.

Вазир Мадина масжиди деб номланган ва Ҳиндистондаги фақат шишадан қурилган тўрт қаватли илк масжиднинг ўзига хослиги ва алоҳида маънавий муҳитини таъкидлади.

Тунги вақтда сунъий қўшимча ёритиш воситалари сабабли масжид ўзгача тарзда чарақлаб туради. Бир неча минг намозхонларга мўлжалланган масжидда аёллар учун алоҳида хоналар кўзда тутилган.

Бу масжидда шунингдек бўлажак имом-хатибларни етиштириб чиқарадиган диншунослик институти фаолият юритади. Мадина масжиди ислом фанлари ва дунё динлари ҳақидаги адабиётлардан иборат кутубхона мавжуд. Бу ерда истовчиларга Ислом дини ҳақида маърузалар ва дарслар берилади, бунинг учун барча шарт-шароитлар муҳайё қилинган.

Шуни таъкидлаш лозимки, аҳолиси 1,1 миллиард бўлган Ҳиндистоннинг 160 миллионини мусулмонлар ташкил этади. Мусулмон аҳолисининг сони бўйича Ҳиндистон дунёда Индонезия ва Покистондан кейин учинчи ўринда туради. “Замин” янгиликларини “Инстаграм”да кузатиб боринг