Нидерландия вакили «Евровидение — 2019» ғолиблигини қўлга киритди (фото, видео)

Нидерландия вакили Дункан Лоуренс Арсаде қўшиғи билан «Евровидение — 2019» танлови ғолиблигини қўлга киритди. Бу ҳақда «Daryo.uz» хабар бермоқда.

Финалда у 492 балл йиғишга муваффақ бўлди.

Лоуренс танловнинг бошидан охиригача букмекерларнинг яққол ёқимтойи бўлиб келди: унинг ғалабаси эҳтимоли 40 фоиздан ортиқроқ баҳоланганди. Шу тариқа, букмекерлар «Евровидение» натижасини тўрт йил мобайнида илк бор тўғри топди.

^{Фото: Раи}
Италия вакили Mahmood Soldi қўшиғи ва 465 балл билан иккинчи ўринни эгаллади.

^{Фото: «ТАСС»}
Россиялик Сергей Лазарев Scream композицияси билан 369 балл тўплади ва учинчи ўринни банд этди.

Маълумот учун, танловнинг финал қисмида 26 давлат вакиллари ғолиблик учун кураш олиб борди.