Украинанинг собиқ президенти Пётр Порошенко унга нисбатан бошланган терговларни парламентга сайлов кампанияси бошланиши деб тушунтирган. Жумладан, Порошенко терговларга “Мен жавоб беришга тайёрман”, деб муносабат билдирган.
Порошенконинг фикрича, Украина ҳукуматининг Керчь бўғозидаги воқеа вақтидаги ҳаракатлари бўйича тергов иши Россия иғвоси сабабли азият чеккан мамлакат армиясига ҳужумдир. “Ҳозир бешинчи колонна буни Украина ҳукумати зиммасига юкламоқчи. Шуни айтмоқчиманки, бу учун жавоб беришга тайёрман ва биз буни қилишга йўл қўймаймиз”, деб таъкидлаб ўтган собиқ президент.
Порошенко, шунингдек, сиёсий душманлари унга қарши яна қандай терговлар бошлашлари мумкинлиги ҳақида ўз тахминларини айтган. “Томос бўйича жиноий иш – динга ҳужум, тил ҳақидаги қонун бўйича жиноий иш – тилга ҳужум. Ҳаммаси дастур бўйича (кучли армия, ягона дин ва ягона тил ҳақидаги тезислар Порошенконинг сайловолди дастурининг бош тезислари бўлган – таҳр.), бироқ улар ҳеч нарса қилиша олмайди”, деб айтган Украинанинг собиқ раҳбари.
Сиёсатчи давлат президенти лавозимида қабул қилган барча қарорлари Украина учун тўғри бўлганини ва шу сабабли барча айбловларга жавоб беришга тайёрлигини айтиб ўтган.
22 май куни Украинанинг ихтисослашган аксилкоррупцион прокуратураси “Центрэнерго” энергетика корхонаси ва Давлат мулки жамғармасида ўғриликлар ва суистеъмолликлар аниқлангани билан боғлиқ ҳолда Порошенконинг ҳаракатлари қонунийлигини тергов қила бошлади.
21 май куни эса Порошенкога нисбатан давлатга хиёнат айблови бўйича тергов бошлаган. Иш 2018 йил ноябрда Керчь бўғозида россиялик чегарачилар томонидан Украинанинг бортида 24 нафар денгизчи бўлган 3 та ҳарбий кемаси ушланиши билан боғланган.
Умуман олганда, айни вақтда Порошенкога нисбатан ноқонуний бойиш, пора бериш, яширин турмалар борлиги ва бошқа айбловлар бўйича 10 та жиноий иш қўзғатилган. Тергов ишлари Порошенконинг президентлик ваколатлари тугашигача очила бошланган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Тошкентда 02 кодли авторақамлар тахминан қачон пайдо бўлиши айтилди
Германиянинг Knauf компанияси Россиядан бутунлай чиқиб кетишини тасдиқлади
Футзал. Осиё Кубоги. Тожикистон Японияни гуруҳда қолдирди
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Эрон президенти жиддий баёнот берди: «Исроилдан ҳеч нарса қолмайди»
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Қайси кундалик одатлар иммунитет пасайишига олиб келишини биласизми?
