Путин дунёни ким бошқариши ҳақида нима деди?

Ким сунъий тафаккур (интеллект) соҳасида етакчи — дунёни ўша бошқаради. Кеча, 30 май куни сунъий интеллект технологияларини ривожлантиришга бағишланган йиғилишда қатнашган Россия президенти Владимир Путин буни алоҳида таъкидлади.

РФ раҳбарининг айтишича, сунъий тафаккур улкан маълумотлар базасига таянган ҳолда энг оқилона қарорни жуда тез фурсатда қабул қилиш имконини беради.

«Агар кимда-ким сунъий тафаккур соҳасида монопол бўлиб олса, оқибати ҳамма учун тушунарли — у жаҳонни бошқаради», — деди Путин.

Президент сунъий тафаккур дунёмиз келажагини белгилаб беришини, ҳозир соҳада етакчилик учун кураш глобал миқёсга чиқиб, янги маҳсулот ва ечимлар чиқиши тобора тезлашиб кетганини тилга олди. «Замин»ни Telegram’да ўқинг!