2 898
Россиянинг Пенза областида Ўзбекистон фуқаролари кетаётган микроавтобус ва юк машинаси ўртасидаги тўқнашув оқибатида бир киши ҳалок бўлди, яна саккиз инсон жароҳатланди.
Россия ОАВ хабарига кўра, автоҳалокат бугун маҳаллий вақт билан соат 09:10да содир бўлган. «Газель» юк автомобили қарама-қарши йўлга чиқиб кетган ҳамда Hyundai микроавтобусига келиб урилган.
«Газель» ҳайдовчиси воқеа жойида ҳалок бўлди, унинг йўловчиларидан бири, шунингдек Hyundai автомашинаси ҳайдовчиси ва йўловчилари жароҳат олди. Уларни Кузнецк туманлараро шифохонага олиб кетишди.
ИИВнинг минтақа бўйича бошқармаси матбуот хизмати хабар беришича, автобус мунтазам йўналишли бўлмаган. Сўнгги маълумотларга кўра, унда Ўзбекистон фуқаролари кетаётган бўлган.
Воқеа содир бўлган жой вақтинча ёпиб қўйилди.
Пенза ОбластиЎзбекистон ФуқаролариАвтоҳалокатГазель МикроавтобусЖароҳат ОлганларИИВ Хабарлари Янгиликлар
«Замин»ни Telegram’да ўқинг! 
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
08:59, 14-05-2025
