Қирғизистон собиқ президентининг ўғли Қодир Атамбоев фикрича, Қўй-Тош қишлоғида рўй берган воқеалар ҳукумат томонидан режалаштирилган фитнадир. У бу ҳақда «Новые лица» газетасига берган интервьюсида айтиб ўтди.
«Аминманки, бу махсус режалаштирилган фитна. Ҳамма нарса шундай уюштирилганки, энди бари отамнинг бўйнига қўйилмоқда», - деди Қодир Атамбоев.
Ушбу версия фойдасига қаратилган бошқа далиллар орасида у Алмазбек Атамбоевни мажбуран қўлга олиш учун танланган вақтни айтди.
«Ҳужум учун танланган вақт... Ҳамма бу ерда одамлар сони ҳар доим максимал даражада кўп бўлишини билади», - деди собиқ давлат раҳбарининг ўғли.
Қодир Атамбоев сўзларига кўра, Қўй-Тош қишлоғида отасининг тарафдорларидан ташқари кўплаб бошқа шахслар - сохта тарафдорлар ҳам бўлган.
«Бизнинг тарафдорлардан ҳам бошқа шахслар чиқди. Вазиятдан фойдаланмоқчи бўлган сохта тарафдорлар пайдо бўлди», - деди собиқ давлат раҳбарининг ўғли, Алмазбек Атамбоев қароргоҳида 7-8 август кунлари бўлиб ўтган тартибсизликларни изоҳлаб.
Қодир Атамбоевнинг фикрича, бу одамлар отасига қарши гувоҳлик бериши мумкин.
«Энди бу маргиналлар озодликка чиқиш учун хоҳлаган нарсани айтиши, истаган шахсни айблаши мумкин, - дейди Қодир Атамбоев. - Икки ой давомида Миллий хавфсизлик давлат қўмитаси тергов ҳибсхонасида ўтирган одамлар Батукаев иши бўйича отамга қарши қандай гувоҳлик берганини кўрдингиз. Ҳозир ҳам шундай бўлади».
Қўй-Тошдаги воқеалар пайтида Қодир Атамбоев онаси Раиса Атамбоева билан бирга Иссиқкўлда дам олгани айтилади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зоҳида Умарова нима сабабдан ўғли ва келини билан бирга яшамаслигини айтди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Рамзан Қодировнинг 19 ёшли қизи медаль билан тақдирланди
Германиянинг Knauf компанияси Россиядан бутунлай чиқиб кетишини тасдиқлади
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Damas учун онлайн контрактация очилади
Футзал. Осиё Кубоги. Тожикистон Японияни гуруҳда қолдирди