18:30 / 21.10.2019
2 944

Нурсултон Назарбоевнинг ваколатлари кенгайтирилди

Нурсултон Назарбоевнинг ваколатлари кенгайтирилди
Фото: РИА Новости
Бундан буён Фармонга мувофиқ, ташқи ишлар, ички ишлар ва мудофаа вазирларидан ташқари бошқа вазирлар ва юқори органлар раҳбарларини тайинлаш Нурсултон Назарбоев билан келишилганидан сўнг тайинланади.

Қозоғистон президенти Қосим-Жўмарт Тоқаев мамлакатнинг биринчи президенти Нурсултон Назарбоевнинг давлат ҳокимияти органлари тизимида кадрлар сиёсати соҳасидаги ваколатларини кенгайтирувчи фармонни имзолади.

Фармонга мувофиқ, ТИВ, ИИВ ва мудофаа вазирларидан ташқари бошқа вазирларни тайинлаш Нурсултон Назарбоев билан келишилганидан сўнг тайинланади.

Бундан ташқари, бевосита Қозоғистон президентига бўйсунувчи ва ҳисоб берувчи органлар раҳбарлари ҳам Назарбоев билан келишилганидан кейингина тайинланади.

Президентга бевосита бўйсунувчи ва ҳисоб берувчи органларга президент маъмурияти, бош прокуратура, миллий хавфсизлик қўмитаси, давлат хизматлари ишлари бўйича ва коррупцияга қарши курашиш агентлиги, миллий банк, республика гвардияси, ташқи разведка хизмати, президентни қўриқлаш хизмати, республика бюджети ижро этилишини назорат қилувчи ҳисоб қўмитаси, президент ишлари бошқармаси, коррупцияга қарши курашиш агентлиги киради.

Шу билан бирга, вилоятлар, республика аҳамиятига шаҳарлар ва пойтахт ҳокимлари ҳам биринчи президент билан келишув асосида тайинланиши лозим.

Қозоғистонни қарийб 30 йил бошқарган Назарбоев шу йилнинг мартида президентлик ваколатларини топширганди. У хавфсизлик кенгаши ва Nur Otan партияси раҳбарилигини ўзида қолдирди.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Нурсултон Назарбоевнинг ваколатлари кенгайтирилди