Эрдоған Путинга: “Сурияда нима ишингиз бор?”

Бугун Туркия президенти Ражаб Тоййиб Эрдоған Истанбулда партиядошлари билан учрашди. У ўз нутқида Суриядаги вазият ва қочқинлар масаласига тўхталиб ўтди.

Эрдоғаннинг таъкидлашича, Туркиянинг Сурияда бўлишидан ягона мақсади чегарада хавфсиз ҳудуд барпо этишдир. “Ҳурматли Путиндан сизларнинг у ерда нима ишингиз бор, деб сўрадим.
Агар ҳарбий база қурмоқчи бўлсангиз, қураверинг, лекин бизни Сурия ҳукумати билан яккама-якка қолдиринг, деб айтдим”, – деди у.

Эрдоған Сурия армиясининг ҳужумлари оқибатида 4 миллион киши Туркия чегаралари томон ҳаракатланаётганини маълум қилди: “1,5 миллиони ҳозир чегарада, 3,7 миллион сурияликни Туркияда олиб ўтирибмиз, қочқинларнинг янги тўлқинини кўтара олмаймиз”.

Унинг сўзларига кўра, кечадан бери 18 минг қочқин Европага ўтишга муваффақ бўлди ва энди Туркия қочқинларнинг кетишига тўсқинлик қилмайди. Маълумки, Европа Иттифоқи ва Анқара ўртасида 2016 йилда тузилган келишувга мувофиқ Туркия қочқинларнинг ноқонуний йўллар билан Европага ўтишига тўсқинлик қилиб келаётган эди.

Шунингдек, президент Эрдоған Сурияда ҳалок бўлган турк аскарларининг сони 36 нафарган етганини маълум қилди.

Янгиликлар