12:24 / 11 марта 2020
702

Нефть нархи тушишидан миллиардерлар қанча зарар кўрди?

Нефть нархи тушишидан миллиардерлар қанча зарар кўрди?
Фото: «24 Канал»
«REGNUM» агентлиги «Forbes»га асосланиб хабар беришича, дунёнинг энг бой ўн кишиси жаҳон нефть бозоридаги инқироз (нархларнинг кескин тушиб кетиши) оқибатида бир кун давомида $37,7 млрд. зарар кўрди.

«LVMH» компаниялар гуруҳи (Франция) бошқарувчиси Бернар Арно 9 март куни 6 миллиард доллар йўқотди — энди унинг бойлиги $92,6 млрд.ни ташкил этмоқда.

Дунёнинг энг бой инсони, «Amazon» компанияси асосчиси ва раҳбари Жефф Безос эса бир кунда $5,6 миллиардидан мосуво бўлди, унинг компанияси акциялари беш фоиздан кўпроққа қийматсизланди.

Уоррен Баффетт («Berkshire Hathaway») $5,4 млрд., мексикалик тадбиркор Карлос Слим 5 млрд. йўқотди.

«Қора олтин» бозоридаги тангликдан Марк Цукерберг («Facebook») $4,2 млрд., Билл Гейтс («Microsoft») $3,8 млрд, Ларри Пейж («Google») $3,3 млрд., Ларри Эллисон («Oracle») $1,8 млрд. зарар кўрди.

Эслатиб ўтамиз, «Brent» маркали нефть баҳоси 9 март куни 30 фоизга пасайиб, бир баррель нефтнинг минимал қиймати $31,02 долларгача тушиб кетди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)