Фото: Inc.
Visa тўлов тизимининг жамғармаси Visa Foundation бутун дунёда кичик бизнесни қўллаб-қувватлаш бўйича 200 миллион долларлик дастур иш бошлаганини маълум қилди. Бу маблағнинг учдан бир қисми аёл тадбиркорларга ёрдам бериш учун сарфланади. Бу ҳақда компания сайтида хабар берилди.
Дастур дунё бўйлаб кичик ва микробизнесни қўллаб-қувватлайдиган нотижорат ташкилотларга бериладиган 200 миллион доллар ёрдамни ўз ичига олади. Ушбу маблағнинг қарийб 60 миллион доллари тадбиркор аёлларни қўллаб-қувватлаш учун ажратилади. Шунингдек, Visa Foundation кичик ва микробизнесни қўллаб-қувватлайдиган инвестицион шерикларга 140 миллион доллар беради.
«Маҳаллий корхоналар билан ишлайдиган глобал компания сифатида биз ёрдамга эҳтиёж борлигини яхши тушунамиз. Биз иқтисодиётнинг узоқ муддатли тикланишига ёрдам берамиз ва иқтисодий фаолиятни жадаллаштириш йўлларини излашда давом этамиз», — деди Visa’нинг бош директор ва раиси Эл Келли.
Visa’нинг баёнотида таъкидланишича, кичик ва микробизнес глобал иқтисодиётнинг асоси ҳисобланади. Улар дунё бўйлаб корхоналарнинг 90 фоиздан ортиғини ва глобал бандликнинг 50-60 фоизини ташкил этади.
Аввалроқ баъзи Ғарб мамлакатлари ҳукуматлари кичик бизнесни қўллаб-қувватлаш бўйича кенг кўламли чора-тадбирлар тўғрисида маълум қилган. АҚШ ҳукумати коронавирус сабабли фаолияти тўхтаган тадбиркорларни қўллаб-қувватлаш учун 350 миллиард доллар ажратишга қарор қилди ва президент Дональд Трамп агар маблағ етмаса, яна кўпроқ беришга тайёрлигини айтди. Буюк Британия ҳукумати компанияларнинг иш ҳақи бўйича харажатларининг 80 фоизини, Дания ҳукумати эса 90 фоизини қоплайди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Россия дунёдаги биринчи водород ёқилғили автомобилни тақдим этди
Тошкентда 02 кодли авторақамлар тахминан қачон пайдо бўлиши айтилди
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Эрон президенти жиддий баёнот берди: «Исроилдан ҳеч нарса қолмайди»
Қайси кундалик одатлар иммунитет пасайишига олиб келишини биласизми?