Фото: express-k.kz
Қозоғистон Ўзбекистонга расмий хат юбориб, Сардоба сув омборидаги тўғоннинг ўпирилиши ҳақида тўлиқ маълумот беришни талаб қилди. Туркистон вилоятида 10 аҳоли пункти сув остида қолди, деб хабар бермоқда Tengrinews.kz.
Қозоғистон Экология, геология ва табиий ресурслар вазирлиги ўзбекистонлик ҳамкасбларига Ўзбекистон томонидан трансчегаравий сувларда қурилган гидротехник иншоотлар тўғрисида тўлиқ маълумот беришни сўраб расмий хат йўллаган.
Билдирилишича, Қозоғистон ва Ўзбекистон иштирокчи бўлган халқаро шартномалар меъёрларига биноан, трансчегаравий дарёларда гидротехник иншоотлар қурилиши тўғрисида қўшни мамлакатни хабардор қилиш ва келишиб олиш керак.
«Сардоба сув омбори эса Қозоғистон томони билан келишмасдан туриб қурилган», - дейилади сайт хабарида.
«Кўрсатилган сув омбори қурилиши биз билан келишилмаган. Биз буни бир неча бор Ўзбекистон томонига билдирганмиз, аммо биз бу ҳақда фақат кичик маълумотларни олдик. Бугун биз нота тайёрладик, у Ташқи ишлар вазирлиги орқали юборилади, унда бизнинг трансчегаравий сувларимизда Сирдарё дарёси ҳавзасида қурилган барча объектларнинг тўлиқ рўйхатини тақдим этиш сўралган», - деди Қозоғистоннинг экология, геология ва табиий ресурслар бўйича вазири ўринбосари Сергей Громов.
Қайд этилишича, тўғоннинг ўпирилиши натижасида 276 квадрат километр майдонни сув босган, уларнинг 76 квадрат километри Қозоғистонда жойлашган.
Громовнинг сўзларига кўра, 1 май куни унга Ўзбекистон сув хўжалиги вазирининг ўринбосари қўнғироқ қилиб, тўғондан сув чиққани ҳақида хабар берган ва оқим Қозоғистон ҳудудига кирмаслигига ишонтирган.
«Шунга қарамай, биз фавқулодда эвакуация ишларини ташкил қилдик ва ҳақ бўлиб чиқдик. Яхшиямки, қурбонларнинг олдини олишга, одамларни ва кўп сонли чорва молларини қутқаришга муваффақ бўлдик», - деди вазир ўринбосари.
У мамлакатдаги барча гидротехник иншоотларни тўлиқ визуал текшириш якунланганини эълон қилди. Биринчи навбатда реконструкцияга муҳтож сув омборлари аниқланди.
Аввалроқ, Қозоғистоннинг Туркистон вилояти ҳокими Умрзоқ Шукеев ва Қозоғистон сув хўжалиги соҳасининг мутахассислари Махтарал туманида юз берган сув тошқини масаласи бўйича музокара ўтказиш учун Ўзбекистоннинг Сирдарё вилоятига жўнаб кетгани хабар қилинганди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Футзал. Осиё Кубоги. Тожикистон Японияни гуруҳда қолдирди
Damas учун онлайн контрактация очилади
АҚШнинг Суриядаги ҳарбий базасига ракеталар ҳужум қилди
Швейцария президенти Путинга мактуб йўллади
Ўзбекистонда ўтган уч ойда қанча автомобиль ишлаб чиқарилган?
