2 758
«Дунё гўё ақлдан озгандек»: «шведча стратегия» муаллифи карантин ва ниқоб тақишга қарши чиқди
Фото: AFP/Getty Images
Швецияда ўтказилган сўровлар мамлакат аҳолиси ҳукуматнинг пандемияга қарши танлаган йўли тўғрилигига ишончни йўқотаётганлигини кўрсатмоқда. ЕИ мамлакатлари ички чегараларни очгач, Швециянинг қўшнилари шведларни ўз ҳудудларига эркин киритишдан бош тортди.
Швециянинг бош эпидемиологи, коронавирусга қарши курашнинг миллий стратегияси муаллифи Андерс Тегнелл бутун дунёда жорий этилган карантин чораларини телбалик деб атади.
«Дунё гўё ақлдан озгандек ва биз муҳокама қилган барча нарса унутилгандек», — деди Тегнелл Швеция радиоси орқали чиқишида.
«Касалланиш ҳолатлари жуда кўпайиб кетди ва сиёсий босим ортиқча кучли бўлди. Ўшанда Швеция ёлғиз қолди», — деди у.
Унинг сўзларига кўра, ҳаракатланишни чеклаш янги муаммолар, жумладан, маиший зўравонликнинг ўсиши, ёлғизлик ва оммавий ишсизликни келтириб чиқарди.
«Барча дорилар ножўя таъсирга эга бўлгани каби пандемияга қарши кураш чоралари ҳам салбий оқибатларга эга», — деди у.
Тегнелл соғлиқни сақлаш масалаларида бу жиҳатларни ҳам ҳисобга олишга чақирди. У мактабларнинг ёпилишини ортиқча чора деб атади ва самаралилиги илмий жиҳатдан исботланмаганлиги учун юзга ниқоб тақмасликни маслаҳат берди.
Тегнелл коронавирус яқин вақт ичида йўқолмаслигига қатъий ишонади ва карантин узоқ давом этадиган бу таҳдидга қарши фойда бермайди деган фикрда.
Швеция бошқа мамлакатлардан фарқли ўлароқ, коронавирус сабабли қатъий карантин жорий этмади, ресторанлар, дўконлар ва мактаблар ёпилмади. Ушбу стратегия касалликка чалинганлар ва вафот этганлар сонига таъсир кўрсатмай қолмади. Жонс Ҳопкинс университети маълумотига кўра, Швецияда коронавирусдан ўлим кўрсаткичи (100 минг кишига 51та) Скандинавиянинг бошқа мамлакатларидаги нисбатан анча юқори (Финляндия — 6та, Норвегия — 5та, Дания — 10та).
Швецияда ўтказилган сўровлар мамлакат аҳолиси ҳукуматнинг пандемияга қарши танлаган йўли тўғрилигига ишончни йўқотаётганлигини кўрсатмоқда. ЕИ мамлакатлари ички чегараларни очгач, Швециянинг қўшнилари шведларнинг бу мамлакатларга эркин киришларига қарши чиқди.
Аввалроқ Тегнелл пандемиянинг дастлабки босқичида коронавируснинг ўлимга олиб келиш кучини нотўғри баҳолаганини тан олганди. Аммо танлаган йўлидан воз кечишни муҳокама қилмаслигини айтганди.
Манба: Kun.uz “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди