12:02 / 30.06.2020
1 503

Чет элликларга Россияга киришни соддалаштиришмоқчи

Чет элликларга Россияга киришни соддалаштиришмоқчи
Россия Ташқи ишлар вазирлиги Россияда яқин қариндошлари бўлган чет эл фуқаролари учун мамлакатга киришни соддалаштириш ниятида.
Бу ҳақда “Коммерсантъ” нашрига берган интервьюсида вазирлик раҳбарининг ўринбосари Евгений Иванов маълум қилди.

Унинг сўзларига кўра, ҳозирда ушбу тоифадаги одамлар учун кўп маротабалик шахсий визаларни олиш имкониятини таъминлайдиган қонун фаол ишлаб чиқилмоқда.

Улар ўз аризаларида Россия фуқаролари бўлган яқин қариндошларини кўрсатиб ўтиши керак бўлади. Ивановнинг сўзларига кўра, ушбу жараён “РФ ИИБнинг ҳудудий органлари орқали таклифномалар бериш заруриятини йўқ қилади”.

Кимлар россиялик қариндошининг илтимосига биноан бундай визани олиши мумкин:
- ота-оналари;
- эри (хотини);
- болалари (шу жумладан вояга етганлар);
- тўлақонли ёки тўлақонли бўлмаган ака-ука ва опа-сингиллари (умумий отаси ёки онаси бўлган);
- неваралари;
- Россия фуқароларининг бобо ва бувиси.
Бундан ташқари, ТИВ бундай визаларнинг амал қилиш муддатини узайтириш бўйича алоҳида ишламоқда. Хусусан, ушбу ҳужжатга асосан Россия ҳудудида бир йил давомида ҳеч қандай чекловларсиз қолишига имкон бериш режалаштирилмоқда.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)