Америкаликлар Мустақиллик кунини машиналарни жарликдан улоқтириб нишонлади (видео)

^{Кадр: YouTube}
Ҳар йили 4 июль куни АҚШ Мустақиллиги куни нишонланадиган вақтда Аляскадаги Глейшер-Вью аҳолиси 91 метрли жарликдан автомобилларини улоқтириб юборади, деб хабар қилади Motor.

Яриморолнинг жануби-шарқида жойлашган шаҳарча аҳолисига ушбу кўнгилхушлик анъанага айланиб улгурган. Миллий байрам қутб кунининг ўртасига тўғри келади — ёрқин осмон сабаб мушакбозлик ўтказилмайди. Бироқ шимолликлар тушкунликка тушмай, мушак ўрнига бошқа нарса ўйлаб топган.

Матануска дарёсига элтувчи жарликдан ташлаб юбориладиган автомобиллар жуда аянчли аҳволда, бироқ мотори соз ҳолатда бўлади.

Седанлар, пикаплар ва кроссоверлар Америка рамзлари билан безатилиб, жар ёқасига олиб келинади ва «парвозга» отланади — машина ичида, албатта, ҳайдовчи бўлмайди. Пастда эса кўплаб томошабинлар «машиналар парвози»ни томоша қилиш учун йиғилади.

YouTube’даги How to Alaska каналида эълон қилинган роликларга кўра, Глейшер-Вьюда Мустақиллик куни камида тўрт йилдан буён шундай усулда нишонланмоқда.

Манба: Daryo.uz “Замин” янгиликларини “Одноклассники”да кузатиб боринг