АҚШ, Британия, Дания, Нидерландия, Германия ва бошқа давлатларда яшовчи 83 нафар миллионер ўз давлатлари ҳукуматларидан ўзлари ва бошқа бадавлат одамлар учун солиқ миқдорини оширишни илтимос қилиб, очиқ мактуб имзолади. Уларнинг таъкидлашича, солиқлар оширилишидан олинадиган қўшимча маблағлар коронавирусга қарши курашга ва унинг оқибатларини бартараф этишга йўналтирилиши лозим.
Мактуб муаллифларининг таъкидлашича, пандемия оқибатлари келгусида яна ярим миллиард кишининг ночорлигига, юз миллионлаб кишиларнинг ишсиз қолишига олиб келади. Бу ерда оддий хайрия билан иш битмайди, маблағлар йиғилиши ва тақсимланиши билан ҳукуматлар шуғулланмоғи лозим.
“Миллионерлар инсоният учун” (Millioners for Humanity) деб ном олган мактубда таъкидланишича, бадавлат одамлар учун прогрессив солиқ ставкаси киритиш дунёни “даволаш” учун “ўта муҳим ролни бажариш”га имкон беради.
“Биз интенсив терапия палаталаридаги беморлар ҳақида қайғурмаймиз. Биз касалларни шифохонага етказиш учун тез ёрдам машиналарини ҳайдамаймиз. Биз дўконларни озиқ-овқат захиралари билан тўлдирмаймиз ва уларни эшиккача етказмаймиз. Бироқ бизда пул, жуда кўп пул бор. Бу пуллар ҳозир ва кейинроқ жуда зарур бўлади”, дейилган миллионерлар мурожаатида. Уларнинг таъкидлашича, улар учун солиқлар оширилиши “ягона тўғри танлов” бўлади.
Бундан ташқари, коронавирус бутун дунё бўйлаб соғлиқни сақлаш тизимининг етарлича молиялаштирилмаслиги муаммосини аён қилди. Миллионерлар буни улардаги ортиқча пулларни олиб тўғрилашни таклиф қилишмоқда.
“Биз бу глобал курашнинг олд сафларида ишлаётганлар олдида қарздормиз. Кўплаб асосий ишчиларга улар гарданига тушган юкка мос пул тўланмайди. Биз дунёни кеч бўлмасдан мувозанатлаштиришимиз лозим. Бундай ҳуқуқни олишга бошқа имкон бўлмайди”, деб таъкидлаб ўтишган миллионерлар.
Маълум қилинишича, мактубни имзолаганлар орасида Уолт Дисней вориси Эбигейл Дисней, бизнесмен Жерри Гринфилд ва “Жаноб Бин” ҳақидаги фильмлар муаллифларидан бири Ричард Кертис бор.
Манба: Kun.uz “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зеленскийга украиналиклар ҳақида кутилмаган янгилик айтилди
Зоҳида Умарова нима сабабдан ўғли ва келини билан бирга яшамаслигини айтди
Академик Қодир Ғуломов Қўшработда бўлди
Германиянинг Knauf компанияси Россиядан бутунлай чиқиб кетишини тасдиқлади
Футзал. Осиё Кубоги. Тожикистон Японияни гуруҳда қолдирди
Damas учун онлайн контрактация очилади
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Эрон зарбаси катта зарар етказмади, лекин Исроил барибир ютқазди...