Фото: «РИА Новости»
Тан олинмаган республика атрофидаги можарода Туркия томонидан қўллаб-қувватланаётган Озарбайжон музокаралар йўлидан бормаслиги ойдинлашса, Арманистон Тоғли Қорабоғ мустақиллигини тан олади. Бу ҳақда Арманистон президенти Армен Саркисян «Коммерсантъ»га берган интервьюсида маълум қилди.
«Яъни Арманистон томонидан тан олинмаслиги фақат Арманистон томони масалани тинч музокаралар йўли билан ҳал қилмоқчи эканлигига боғлиқ. Бу шунақа туннел», — деди Саркисян.
Арманистон президенти сўзларига кўра, «агар бу туннел охирида ёруғлик бўлса, яъни Тоғли Қорабоғ муаммосини тинч йўл билан узил-кесил ҳал қилишнинг ёруғлиги бўлса, унда яна бироз кутиш мумкин».
Саркисяннинг таъкидлашича, Арманистон Олий кенгаши собиқ иттифоқ тарқалишидан сал аввалроқ Тоғли Қорабоғни тан олишни ёқлаб овоз берган. Аммо 1994 йилда, Боку ва Ереван ўт очишни тўхтатишга келишиб олганидан кейин Арманистон томони низони тартибга солиш бўйича Минск жараёнини мураккаблаштирмаслик ва ҳудуднинг якуний мақоми ҳақида кейинроқ келишиб олиш учун, мустақилликни тан олишни тўхтатиб қўйган.
Ереван Тоғли Қорабоғ мустақиллигини тан олиш имкониятини кўриб чиқаётгани ҳақида Арманистон бош вазири Никол Пашинян маълум қилган эди. У масала республика ҳукумати кун тартибида турганини ва мавзу, шу жумладан, халқ томонидан ҳам муҳокама қилиниши кераклигини айтганди.
Озарбайжон президенти Илҳом Алиев эса Боку ҳар қандай вазиятда ҳам Тоғли Қорабоғ мустақиллигини тан олмаслигини таъкидлаган эди. Унинг сўзларига кўра, у кимдир Тоғли Қорабоғ мустақиллигини тан олишга қарор қилишига ишонмаслигини айтганди. «У ҳолда биз бу мамлакат билан барча дипломатик алоқаларни шу заҳотиёқ узамиз», — деди Алиев.
Эслатиб ўтамиз, Тоғли Қорабоғда кенг қамровли жанговар ҳаракатлар 27 сентябрдан буён давом этмоқда. Озарбайжон ва Арманистон 10 октябрь куни соат 12:00 дан бошлаб Тоғли Қорабоғда ўт очишни тўхтатиш тўғрисида келишиб олганди. Аммо шу куни кейинроқ Арманистон ва Озарбайжон Мудофаа вазирликлари бир-бирини Тоғли Қорабоғда ўт очишни тўхтатиш режимини бузишда айблади.
Аввалроқ Озарбайжон Арманистонни янги сулҳни бузишда айблаб, Тоғли Қорабоғ жанубига ҳужум бошлаган эди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди