23:26 / 07.11.2020
792

«Пойга тугади» – Байден президент сайловида ғалаба қозонганлигини эълон қилди

«Пойга тугади» – Байден президент сайловида ғалаба қозонганлигини эълон қилди
Фото: REUTERS/Kevin Lamarque
Демократ Жозеф Байден АҚШ президенти сайловида ғалаба қозонганлигини маълум қилди ва америкаликларни бирдамликка чақирди. У баёнотини ўз Twitter саҳифасида эълон қилди.

"Америка, мени бу мамлакатга раҳбарлик қилиш учун сайлашгани мен учун шараф. Олдинда оғир вазифа турибди, аммо мен учун овоз берган-бермаганлигидан қатъи назар барча америкаликлар учун президент бўламан", - дея қайд этди у.

"Пойга тугади, ғазаб ва кескин баёнотларни унутиш ҳамда ягона мамлакат сифатида чиқиш вақти келди. Америка учун бирлашиш ва тузалиш вақти келди", - дея таъкидлади Байден.

CNN, NBC, Fox News ва Associated Press (AP) прогнозларига кўра, Байден Трамп устидан ғалаба қозониш учун талаб қилинадиган танловчиларнинг 270та овозига эга бўлди.

Аввалроқ Жо Байден америкаликларга мурожаат қилиб, сайловларда ғолиб бўлишга шубҳа қилмаслигини ва камида 300 та овоз тўплашга ишонишини айтганди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)