Фото: The New York Times
АҚШ президенти сайловларининг ғолиби деб эълон қилинган Жо Байден амалдаги президент Дональд Трампнинг ўз мағлубиятини тан олмаётганини “шармандалик” деб атади. Байден ҳокимиятнинг унинг маъмуриятига ўтишини таъминлаш учун қонуний чоралар кўришга эҳтиёж йўқлигини айтди.
“Мен судга даъво қилишга зарурат кўрмаяпман. Ростини айтганда, сиз бундай суд жараёни бораётганини кўрмоқдасиз. У [Трамп] бундай чораларни кўрмоқда. Президент ва АҚШ давлат котиби Майк Помпеонинг сайловларда қоидабузарликлар бўлгани ҳақидаги даъволарига ҳеч қандай исбот йўқ”, деб айтган Байден Уилмингтон шаҳридаги чиқишида.
Байден Трампнинг унинг номига айтадиган ҳар қандай баёнотига қарамай, режа бўйича ишни давом эттиришини айтган. Унинг таъкидлашича, айни вақтда Трамп мамлакатнинг ягона президенти ҳисобланади ва у бу лавозимда 20 январгача қолади.
“Ҳеч нарса тубдан ўзгармайди. Биз режа бўйича ишни давом эттирамиз”, деб айтган Байден.
Шу билан бирга, демократ Трампнинг ўз мағлубиятини тан олмаётганини “шармандалик” деб атаган. Унинг таъкидлашича, охир-оқибат ҳокимият унга ўтишига ишонади.
“Ўйлайманки, бунинг барчаси охир-оқибат 20 январда юз беради ва бу вақтгача Америка халқи бизда ўтиш даври муваффақиятли кечганини билиши ва англашига умид қиламан ва буни кутиб қоламан”, деб айтган демократ.
Байден ҳозирда унинг ғалабасини тан олмаётган республикачилар ҳақидаги саволга жавобан улар ҳам натижада уни АҚШ президенти деб тан олишларини айтган.
Аввалроқ АҚШ давлат котиби Майк Помпео ҳокимият Трамп маъмуриятида қолишига ишонч билдирган.
“Ҳокимиятнинг Трампнинг иккинчи маъмуриятига ўтиши юз беради”, деб айтган Помпео давлат департаменти Байденнинг ўтиш гуруҳи билан ҳамкорлик қилиши ҳақидаги саволга жавобан.
АҚШнинг бир қатор етакчи ОАВлари 3 ноябрда ўтган президент сайловларида Байден ғалаба қозонганини эълон қилди. Сайловларга ҳали расман якун ясалмаган бўлса-да, Байден ҳам ўзини сайловларда ғалаба қозонган, деб ҳисобламоқда. Уни бу ғалаба билан кўплаб жаҳон етакчилари табриклашга улгуришган.
Бироқ амалдаги президент Дональд Трамп демократларни сайловлар натижаларини сохталаштиришда айбламоқда ва ўз мағлубиятини тан олмаяпти. У натижалар бўйича бир неча штатларда суд тартибида баҳслашмоқчи. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мария Захарова украиналикларни Америка ҳиндуларига ўхшатди
“Толибон” Афғонистоннинг Хост вилоятида беш нафар фуқарони қамчи билан жазолади
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
Велосипедда сайр қилиш учун 3 сабаб: ёшартиради, оздиради ва умрни узайтиради
Зоир Мирзаев “Телефонсиз мактаб”га 300 млн сўм мукофот берди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Америкалик олимлар барча учун бирдек фойдали жисмоний фаоллик турини аниқлади
