Фото: New York State Police
Нью-Йорк штати полицияси қор тузоғига тушиб қолиб, у ерда 10 соат қолиб кетган ҳайдовчини қутқариб олди. Ҳуқуқ-тартибот ходимлари қарийб 1,5 метрли қор қатлами остида автомобилни қидириб топиб, музлаб қолган америкаликни шифохонага етказган, деб хабар беради Motor.
17 декабрь куни Нью-Йорк штатига қор бўрони ёпирилиб, кўплаб йўл-транспорт ҳодисаларининг содир бўлишига олиб келди. Эрта тонгда полицияга 58 ёшли Кевин Кресен қўнғироқ қилган — у йўл четида тўхтагани ва машинаси буткул қор остида қолиб кетгани ҳақида айтган. Маълум бўлишича, кечки сменада ишлаган полициячилар мурожаат бўйича айтилган жойга борган, бироқ автомобилни топа олмаган.
Машинани сержант Жейсон Коули топишга муваффақ бўлган. Аввалига у бутун ҳудудни айланиб чиққан, шундан сўнг у қор остида қолган почта қутиларини ковлаб олиб, манзилларни текширишга тушган. Навбатдаги қутини ковлаш вақтида у қорга бурканган машинанинг олд ойнасига дуч келган.
Фото: New York State Police
Коули автомобилнинг чап эшигини қордан тозалаб, Кресеннинг чиқишига ёрдам берган. Таъкидланишича, эркак қор орасида 10 соатдан ортиқ қолиб кетган: машина печи ишламаган. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
«Реал Мадрид» устози Карло Анчелотти кечаги ғалабадан сўнг нималар деди?
Қозоғистонлик миллиардерлар сув тошқинидан зарар кўрган ҳудудларга маблағ ажратди
Хотирани яхшилашнинг жуда оддий усули топилди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Қондаги шакар миқдорини тартибга солувчи фойдали мева номи айтилди