Шифокор коронавирус енгил шаклининг жиддий асоратларидан огоҳлантирди

^{Фото: «KIM KYUNG-HOON / Reuters»}
Япониялик шифокор Коити Хирахата коронавирус енгил шаклининг жиддий оқибатларидан огоҳлантирди. Бу ҳақда Токионинг «Hirahata clinic» клиникаси мутахассиси «РИА Новости»га маълум қилди.

Хирахатанинг таъкидлашича, кўпгина беморлар учун вируснинг ўзидан кўра касалликнинг оқибатлари қўрқинчлироқ. Унинг сўзларига кўра, коронавирус асоратлари пайдо бўлган беморларнинг учдан бир қисми касалликдан сўнг тўшакка михланиб қолишган. Шифокорнинг айтишича, атиги бир кун иситма билан ётган ёки касаллик аломатлари умуман кузатилмаган беморлар ҳам жиддий оқибатларга дучор бўлишади.

Коронавирус оқибатларидан азият чекаётган беморлар орасида 97,1 фоизи қувватсизликдан, 86,8 фоизи депрессиядан, 83 фоизи эса «бошдаги туман»дан шикоят қилишади. Аломатлар орасида, шунингдек, бош оғриғи, уйқусизлик, нафас олиш қийинлашиши, иштаҳа етишмаслиги, соч тўкилиши ва бутун танадаги оғриқ ҳам бор.

Мутахассиснинг қўшимча қилишича, енгил шаклда касаллик оқибатларидан асосан 40-50 ёшгача бўлган одамлар азият чекишади: улар беморларнинг қарийб 80 фоизини ташкил этишади. Шунингдек, аёллар ушбу касалликка эркакларга қараганда бир ярим баробар кўпроқ дуч келишади. “Замин” янгиликларини “Youtube”да кузатиб боринг