16:06 / 22.03.2021
1 307

Россия 18 та мамлакат сунъий йўлдошлари ортилган «Союз» ракетасини учирди (видео)

Россия 18 та мамлакат сунъий йўлдошлари ортилган «Союз» ракетасини учирди (видео)
Фото: Twitter / @roscosmos
Россиянинг бортида 38 та космик қурилма бўлган «Союз-2.1а» ракетаси Бойқўнғир космодромидан муваффақиятли учирилди, деб ёзади «РБК» «Роскосмос» давлат корпорациясига таяниб.

«Бойқўнғир космодромидан дунёнинг 18 мамлакатига тегишли 38 та космик қурилма ортилган ‘Союз-2.1а’ ‘Фрегат’ тезлаштирувчи блоки билан старт олди», — дейилади хабарда. Кейинроқ «Союз»дан учта табақанинг барчаси муваффақиятли ажралиб чиққан.

Ракетанинг асосий юки — Жанубий Кореянинг CAS500-1 сунъий йўлдоши. Шунингдек, у Япониянинг «космик чиқинди»ни йўқ қилиш учун мўлжалланган ELSА-d қурилмасини ва GRUS сериясидаги Ерни масофадан туриб зондлаш сунъий йўлдошларини, Саудия Арабистонининг Ер тасвирларини олиш ва алоқани таъминлаш учун NAJM-1 қурилмасини, Берлин техника университети ва Россия Олий иқтисодиёт мактаби илмий-тадқиқот институти сунъий йўлдошларини орбитага олиб чиқади. Қурилмалар учта қуёш-синхрон орбиталарга чиқарилади.

Февраль бошида Россияда «Союз-2.1б» ташувчи ракета коинотга учирилган, у ҳарбий сунъий йўлдошни орбитага муваффақиятли олиб чиққан эди.

28 февраль куни эса Бойқўнғир космодромидан «Союз-2.1б» ташувчи ракетаси Арктика минтақасида иқлим ва атроф-муҳитни мониторинг қилиш учун мўлжалланган «Арктика-М» космик қурилмаси билан бирга учирилган эди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Россия 18 та мамлакат сунъий йўлдошлари ортилган «Союз» ракетасини учирди (видео)