Фото: Getty Images
АҚШ Миллий разведкаси директори Эврил Хейнс АҚШ сенати қўмитасидаги тингловларда махсус хизматларда коронавирус пайдо бўлиши ҳақида аниқ маълумотлар йўқлигини маълум қилди. Унинг таъкидлашича, инфекция пайдо бўлишининг иккита версияси мавжуд.
«Ҳозир айтиш мумкинки, разведка коронавирус инфекцияси қаердан пайдо бўлгани борасида аниқ маълумотга эга эмас», деб айтган Хейнс.
Унинг таъкидлашича, вирус пайдо бўлишининг иккита тахмини мавжуд. Улардан биринчисига кўра, «нолинчи бемор» вирус билан касалланган ҳайвон билан контактда бўлган. Иккинчи тахминга кўра, вирус Хитойнинг Уҳан шаҳридаги лабораториядан тарқалган.
Марказий разведка бошқармаси директори Уилям Бернснинг таъкидлашича, МРБ Хейнснинг позициясига қўшилади. Бернснинг айтишича, вазият Хитой ҳукумати вирус ҳақида зарур ахборотни тақдим қилишда Жаҳон соғлиқни сақлаш ташкилоти билан етарлича ҳамкорлик қилмагани сабабли мураккаблашган.
Аввалроқ CNN телеканалининг махсус хизматлардаги манбаси одамлар коронавирус пайдо бўлиши ҳақидаги ҳақиқатни ҳеч қачон билмасликлари мумкинлигини айтган. «Ҳаттоки хитойликлар буни билмайдилар. Уларда ҳақиқатни билишга ҳеч қандай қизиқиш бўлмагандан кейин улар ортидан жосуслик қилиб, уларда мавжуд бирор натижани билишга уриниш бефойда», деб айтган манба.
2020 йилнинг январ—феврал ойларида ЖССТ экспертлари гуруҳи коронавирус манбасини аниқлаш мақсадида Уҳанга сафар уюштирганди. ЖССТ ушбу гуруҳ Уҳанда олиб борган тадқиқот натижаларини 30 мартда эълон қилганди. Унда вирус пайдо бўлишининг 4та версияси келтириб ўтилган.
ЖССТ экспертларининг хулосасига кўра, коронавируснинг кўршапалаклардан одамга оралиқ ҳайвондан юққан бўлиши мумкинлиги эҳтимоли юқори. Шунингдек, вирус бевосита кўршапалаклардан одамга юққан бўлиши мумкин. Экспертларнинг фикрича, вирус музлатилган маҳсулотлар орқали одамга ўтгани эҳтимоли «оз»ни, Уҳандаги лабораториядан чиқиб кетган бўлиши мумкинлиги эҳтимоли эса «жуда оз»ни ташкил қилади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Шойгу Украина дронларига қарши қўлланиладиган янги воситалар билан танишди
“Хуфёна иқтисодиётга қарши кураш иллюзияси” — Солиқ қўмитасининг режалари нега танқидга учради?
Тимур Кападзе Японияга қарши кечадиган финал учрашуви олдидан нималар деди?
Шавкат Мирзиёев: Жаҳонда инвесторлар учун мислсиз кураш кетяпти
Россия кубоги. ЦСКА илк ўйинда Зенит билан дуранг ўйнади, Файзуллаев заҳирадан туширилди
Туркия Курдистон ишчи партиясига алоқадор 43 нафар террорчини йўқ қилди
Заргарлик дўконидан 49 млн сўмлик тилла буюмларни ўғирлаб кетган 12 ёшли бола ушланди
