Қорабоғ мухторият хоҳламайди: арманлар Бокуга «тенг шартлар бўйича музокаралар»ни таклиф қилмоқчи

Озарбайжон ичидаги ҳар қандай мақом Тоғли Қорабоғ учун қабул қилиниши мумкин эмас. Бу ҳақда Озарбайжон Президенти Илҳом Алиевнинг сўнгги баёнотини тан олинмаган Тоғли Қорабоғ Республикаси Ташқи ишлар вазирлиги раҳбари Давид Бабаян баёнот берган.

Озарбайжон раҳбари илгари «Тоғли Қорабоғ арманлари мустақилликка интилишган, лекин ҳозир улар Озарбайжон ичидаги мухторият ҳақида гапиришмоқда, бу унинг учун қабул қилиниши мумкин эмас» деб айтган эди.

«Озарбайжон ичидаги ҳар қандай мақом Арцах (Қорабоғ) учун қабул қилиниши мумкин эмас. Бу бутун Арцах аҳолисининг қатъий фикри бўлиб, у ўзгаришсиз қолган ва қолади. Шу нуқтаи назардан шуни таъкидлаш керакки, биз «Қорабоғ Озарбайжон жамияти»ни тан олмаймиз, бу расмий Боку томонидан Арцах давлатчилиги мақомига путур етказадиган сунъий тузилишдан бошқа нарса эмас. Арцах Республикаси Озарбайжон билан тенг ҳуқуқли музокаралар олиб боришга, ҳамма нарсани, ҳатто энг мураккаб масалаларни ва уларни ҳал қилиш йўлларини муҳокама қилишга тайёр», - деди тан олинмаган республика Ташқи ишлар вазири.

Илҳом Алиев 27 сентябрда, Қорабоғда 44 кунлик уруш бошланганининг бир йиллиги куни нашр этилган «Анадолу» Туркия давлат ахборот агентлигига берган интервьюсида, Қорабоғ мақомини белгилаш имкониятини рад этган эди.

"Мен бир неча бор айтганманки, биз Озарбайжон ҳудудида иккинчи арман давлатини яратишга йўл қўймаймиз. Озарбайжоннинг ҳудудий яхлитлиги музокаралар мавзуси бўла олмаслигини бир неча бор айтганман. Озарбайжон ҳудудий яхлитлигини агар тинч йўл билан бўлмаса, ҳарбий йўл билан тиклаймиз. Менинг нутқларим ҳамма жойда, улар чоп этилган. Мен бу сўзларни айтганман ва улардан воз кечмайман”, - дея таъкидлаган Озарбайжон раҳбари.

«Ягона Озарбайжон давлати бор, кўп миллатли, кўп конфессияли. Тараққий этган Озарбайжон давлати мавжуд. Барча динларнинг вакиллари нормал, тинчлик ва ўзаро ҳамжиҳатлик шароитида яшайдилар. Арман халқи ҳам шундай яшайди, бизнинг арман халқи билан ишимиз йўқ», - дея хулоса қилган Алиев. “Замин” янгиликларини “Youtube”да кузатиб боринг